DEHRADUN, India (AFP).- Mas ku 40 trahadó di konstrukshon ta pèrdí despues di un avalancha den Himalaya, den e estado indio di Uttarakhand. Ekiponan di reskate a pasa oranan buskando den sneu, segun Ridhim Agarwal, dje unidat di emergensia dje estado situá den nort dje pais.
E funshonario a presisá ku 15 trahadó a keda reskatá i ku 42 ketu bai ta pèrdí. E avalancha a bati un sitio di konstrukshon den e distrito di Chamoli, tapando e trahadónan bou di sneu.
Tabata spera pa e kondishonnan meteorológiko mehorá pa ekiponan di reskate yega na e lugá den helikòpter. Deepam Seth, hefe di polis dje estado, a splika ku e mal tempu tabata difikultá e operashonnan di reskate.
“Tin kaida di sneu ku bientunan fuerte. E kamindanan ta kompletamente blòkiá”, segun a keda tres’é dilanti. Avalanchanan i skùifmentu di tera ta komun den e regionnan haltu di Himalaya, spesialmente durante temporada di wenter.
E sientífikonan a demostrá ku e kambio di klima, provoká pa uso di kombustibel fósil di parti di hende, ta trese kuné ku e fenómenonan meteorológiko ta mas intenso.
Den 2021 kasi 100 persona a muri na Uttarakhand despues ku un pida hopi grandi di eis a kibra i kai den riu, loke a trese inundashon. E situashon ei a sigui den 2013 tambe kousando morto di 6.000 persona.
