KIEV, UKRANIA, AFP.- Mas ku 5.900 persona a wòrdu evakuá for di áreanan  inundá despues di destrukshon di e dam di Kakhovka na sùit di Ukrania, segun indikashon di outoridatnan ukraniano i di okupashon ruso. Kada un ta kontrolá un parti di e riu Dniéper den e region.

“E evakuashon di e poblashon ta kontinuá den region di Kherson. Ekiponan di reskate, polisnan i voluntarionan ya a evakuá 1.894 sivil”, segun e minister di Interior ukraniano, Igor Klymenko na televishon.

Segun e, 30 lokalidat ta inundá, di kual 10 ta ruso.

Outoridatnan di Rusia a anunsiá ku nan nan a evakuá “mas ku 4.000 persona” te ainda.

E destrukshon di e dam di parti di forsanan ruso lo kousa “un di e katástrofenan di medioambiente di mas pió di e último dékada aki”, asina e promé minister ukraniano, Denys Shmyhal, a bisa. Gran parti di e pueblo lo eksperensiá problema ku awa pa bebe.

Tatyana Kuzmich, vise gobernador di region di Kherson, afiliá ku Moscow, a indiká ku 38 persona a ser reskatá for di dak di nan kas.

Alrededor di 350 persona ta na sentronan di refugio temporal, asina el a añadí.

…Forsanan di seguridat yudando un habitante ansiano…

LAGA UN KOMENTARIO

Please enter your comment!
Please enter your name here