Un señora ta karga su pertenensianan dilanti di un dje hopi edifisionan ku a keda destruí pa atakenan israelí den parti zùit di Libanon.
LIBANON (AFP).- Mas ku 50.000 kas a resultá sea destruí òf dañá durante dje operashonnan israelí den Libanon for di despues ku e pais akí a haña su mes den e guera den Medio Oriente den luna di mart. “Den kasi 45 dia (di guera), nos a konta 17.756 kas destruí i 32.668 dañá”, segun e sekretario general di konseho libanes di investigashon sientífiko (CNRS), Chadi Abdallah.
Inisialmente e minister a papia di un sifra di 62.000 kas destruí òf dañá, pero despues a rekonosé un eror. Entre 2 di mart i e kuminsamentu dje tregua di 17 di aprel, Israel a realisá atakenan masivo riba Libanon. Segun outoridatnan libanes, komo tambe testigunan i potrètnan di AFP saká for di teritorio israelí, ehérsito israelí a usa eksplosivonan ku a destruí hopi kas den e área di frontera parti zùit dje pais, loke ta stroba regreso di e habitantenan.
Segun kálkulo di CNRS, “428 kas a keda destruí durante e promé tres dianan” ku a para e guera. Awe Libanon lo pidi pa rèk ku un luna di periodo di pas miéntras ku tin kòmbersashonnan entre Israel i Libanon na Washington.
