PRAIA, CABO VERDE.- Mas ku 60 hende lo a muri despues ku un boto ku migrantenan for di Senegal a ser deskubrí na e parti wèst di e islanan di Cabo Verde, esei di akuerdo ku e Organisashon Internashonal di Migrashon. Nan ta kere ku un 63 hende a muri, miéntras ku tin 38 sobrebibiente, inkluyendo muchanan di 12 pa 16 aña, di akuerdo ku e bosero Safa Msehli. Nan a bin mira un boto di piskadó di palu konosí komo ‘pirogue’ den Oséano Atlántiko na un 277 km for di islanan Cabo Verde.
Un barku di piskadó spañó a alertá outoridatnan di Cabo Verde, kual ta keda na un 600km for di kosta dje ruta di e migrashon marítimo pa bai Islanan Canaria, ku ta un ruta preferí pa Union Europeo. Servisionan di emergensia a rekuperá e kurpanan sin bida di shete hende miéntras ku un 56 otro ta pèrdí. Generalmente ora ku hendenan ser reportá komo pèrdí despues ku un boto kibra, ta asumí ku nan ta morto.
