Potrèt di Departamento di Bombero di Cundinamarca ta mustra bomberonan preparando pa drenta e área kaminda e eksploshon a tuma lugá.
BOGOTA, Colombia (AFP).- Por lo ménos kuater persona a keda atrapá despues di un eksploshon den un mina di karbon den sentro di Colombia, kaminda siman pasá un aksidente similar a laga nuebe morto.
“Awor aki nan a reportá kuater trahadó atrapá”, segun Jorge Emilio Rey, gobernador dje departamento di Cundinamarka, riba ret sosial X den oranan di djadumingu anochi. El a agregá ku e eksploshon a tuma lugá den e mina Las Quintas dje aldea Pueblo Viejo, den e munisipio di Cucunubá. E ofisina dje gobernador a señalá ku nan ta atendiendo ku e situashon i sigur tin kuater persona atrapá na 500 meter di profundidat.
No mas ku djaluna siman pasá tabatin un eksploshon den un otro mina hopi profundo bou di tera, ku saldo di nuebe morto i seis persona reskatá. Otro seis persona a muri den febrüari tambe ora ku a surgi un eksploshon den un mina ilegal na Guacheta, den e mesun munisipio di Sutatusa. Den Cundinamarca tin minanan si pèrmit, kualnan no ta kumpli ku kondishonnan di seguridat.
