CARACAS.- Sosiedat venezolano lo tin un representashon mas grandi den e komishon enkargá pa eligí huesnan di tribunal Supremo di Hustisia di Venezuela, segun un inisiativa adoptá ayera den Parlamento.
E proyekto, aprobá pa Asamblea Nashonal, ta buska pa reformá e tribunal ku a respaldá e reelekshon kuestioná di Nicolas Maduro den 2024.
Bou di preshon di Merka, e gobièrnu interino di Delcy Rodriguez i un parti di oposishon a akordá pa krea un komishon nobo pa designá e esnan di TSJ, despues di kaptura di Maduro na kuminsamentu di aña.
E komité lo krese for di 21 pa 23 integrante: 11 diputado i 12 representante di sosiedat sivil.
Segun e diputado opositor Luis Florido, esaki no ta representá “un oportunidat pa bolbe politisá hustisia for di e Tribunal Supremo di parti di un grupo di polítikonan, sino pa por tin wesnan pa tur venezolano.
