WILLEMSTAD.- Den oranan di djadumingu mainta 20 di aprel, Sentro Operashonal Marítimo di Wardakosta (MOC) a risibí un yamada for di Klein Kòrsou pidiendo asistensia médiko. Ta trata di un turista hende hòmber brasilero di 45 aña di edat, ku posiblemente a sufri di un ataká i tabata rekerí asistensia médiko.
Personal di MOC a tuma kontakto ku e dòkter di CITRO ku a konstatá ku e mihó opshon pa e persona tabata pa transporte mes ora pa risibí tratamentu médiko na Kòrsou.
Mes ora a alerta personal di e helikòpter di Wardakosta ku a sali ku rapides den direkshon Klein Kòrsou pa asina transportá i hiba e pashènt HATO (Kòrsou). Personal di ambulans tabata presente pa transportá e persona pa e por risibí tratamentu médiko na Curaçao Medical Center (CMC).
 evakuá for di Klein Korsou){kind=link}