HERUSALEM (AP).- E kadaver di Yasser Arafat lo por wòrdu saká pa investigá e kousanan di su morto, asina e presidente palestino a anunsiá ayera, despues ku un laboratorio suiso a bisa ku a haña nivelnan haltu di un material radioaktivo den pertinensianan di e lider palestino ku aparentemente el a usa den su último dianan.
E biuda di Arafat, Suha, a solisitá e outopsia en buska di e deskubrimentu di e laborator io, ku televishon Al Yazira a reportá inisialmente. Den un entrevista ku e emisora, e no a splika pakiko el a warda kasi ocho aña pa laga tèst e pertinensianan, entre nan un skeiru di djente i un pèchi di kueru. Na momentu di morto di su kasá, e no a outorisá pa a hasi outopsia.
E lider palestino a muri ku 75 aña di edat den un hospital militar pafó di Paris na novèmber di 2004, loke e dòkternan franses a konsiderá un bludumentu den serebro, simannan despues di a bira hopi malu den su kompleho na Cisjordania, kaminda Israel tabatin e será pa tres aña.
E dòkternan, entre nan ekspertonan independiente ku a revisá e papelnan médiko na nòmber di AP, no por a haña kousa di e bludumentu. E spekulashonnan a oumentá den mundu arabir ku Israel a asesin’é, ku a konsider’é un opstákulo pa un tratado di pas. Outoridatnan israelí a nenga esei.
Francois Bochud, ku ta dirigí Instituto di Físika di Radiashon na Lausana, Suisa, a bisa ayera ku su laboratorio a studia e pertinensianan ku segun e biuda, Arafat a usa den su último dianan, tambe otronan ku e no a usa.
E ekspertonan a haña loke Bochud a karakterisá komo kantidatnan ‘masha chikí’ di polonio-210, un material ku tin naturalmente den airu, pero ku tabatin kantidatnan grandi di polonio- 210 den paña interiordiArafatiepaña ku el a usa den hospital, tambe den e muestranan di sanger i orina ku a tuma di e pañanan. Esei no ta nifiká ku Arafat lo a wòrdu venená, asina Bochud a aklará, ounke el a bisa ku no tabata posibel determiná di unda e polonio a bin.
Polonio – 210, segun ta konosí, a kousa morto na 2006 na Londen di Alexander Litvinenko, èks agente di KGB ku a bira krítiko di e gobièrnu ruso. Litvinenko a bebe te kontaminá ku e sustansia.
Na Cisjordania, e susesor di Arafat , president e Mahmoud Abbas, a habri kaminda pa realisá e outopsia.
‘Outoridat Palestina tabata i ta ainda totalmente dispuesto pa koperá i duna tur e fasilidatnan nesesario pa revelá e kousanan berdadero enkuanto morto di e presidente ku a muri’, asina e ofisina di Abbas a bisa.
‘ No t in mot ibunan religioso ni polítiko ku ta impedí un investigashon riba e partikular, inkluí un tèst di e restunan di e defuntu gobernante na kargo di un organismo médiko nashonal konfiabel, riba petishon i ku aprobashon di su famia’, el a agregá.
