FLORIDA, MERKA, AP.- Orkan Matthew a debilitá miéntras e tabata asotando Florida i dirigiendo pa nort a lo largu di e kosta di Merka den atlántiko.
Pa 5’or di djabièrnè atardi, Sentro nashonal di Orkan a informá ku Matthew a registrá bientunan di 177 kilometer pa ora, loke a konbertié den un kategoria 2 potente.
Na sierto punto, Matthew a yega na e kategoria mas fuerte, pero a debilitá lentamente segun e tabata yegando Florida.
E tormenta a laga mas di 300 morto den Caribe i por lo ménos un persona ku a fayesé na Florida. Mas di un mion kas i negoshinan di e estado a keda sin elektrisidat.
Orkan Mat thew a sigui kousa problema pa biaheronan, ku 4.500 buelo kanselá te ainda entre djárason i djasabra, segun e servisio di informashon di buelo FlightAware.
