LONDON, AP.- E promé minister britániko Theresa May a sufri un derota humiante den Parlamento despues ku legisladornan a rechasá su plan pa Brexit.
Kámara di Komun a rechasá e moshon pa e separashon ku 303 voto kontra 258.
E derota ta ilustrá e mandatario su debilidat pa logra kambio den e akuerdo di separashon ku UE pa Parlamento britániko respaldá esaki.
May a ninga di deskartá un Brexit sin akuerdo purbando di haña konseshonnan di e UE. Gran parti di e sektor empresario i ekonomistanan ta sigurá ku e ekonomia britániko lo sufri prehuisionan grave si e pais sali di UE riba 29 di mart sin un akuerdo, loke ta sòru pa impuesto i otro opstákulonan di komersio.
E 27 paisnan ku a keda den UE ta insistí ku e akuerdo firma ku May su gobièrnu den novèmber no por wòrdu negoshá di nobo.
E titular di Konseho Europeo, Donald Tusk, a tweet: “UE27 ta spera ku e proposishonnan konkreto, realista di London, tokante un forma kon pa sali di e desakuerdo relashoná ku Brexit”.
