LONDON, AP.- Promé minister britániko, Theresa May, a despachá 30 miembro di su gobièrnu den e pais kompleto pa akumulá sosten pa su akuerdo di e separashon di Union Europeo.

Mayoria britániko ta duda tokante e akuerdo di Brexit. Theresa May ta bou di un preshon intenso pa tarda ku e votamentu parlamentario fiha pa otro siman, ku intenshon di haña mas konseshon di UE.

Despues di tres dia di debate permití den Parlamento, un analisá di Press Association di Gran Bretaña ta mustra ku solamente 27 di e 163 legisladornan lo respaldá e pakto, kompará ku 122 ku a bisa ku nan lo vota den su kontra.

E punto di desakuerdo ta wòrdu referí komo “salvaguarda”. Esaki lo laga Gran Bretaña den un union duanero ku UE di forma indefiní si e dos partinan no yega na un akuerdo tokante frontera na Northern Ireland, kual ta parti di Reino Uní i Repúblika di Irlanda, kual ta parti di UE.

E proposishon a kousa resistensia di tur parti pasó Reino Uní no por bandoná e areglo sin e aprobashon di UE. Partido Unionista Demokrátiko di Northern Ireland, kual tin un flote ku e koalishon minoritario di May, ta kontra e medida debí ku Northern Ireland lo haña un otro trato kompará ku sobrá parti di Reino Uní.

 

LAGA UN KOMENTARIO

Please enter your comment!
Please enter your name here