LONDON, AP.- Promé minister britániko Theresa May a deklará djárason ku e ta dispuesto na bandoná su kargo pa logra haña aprobashon di Parlamento pa e salida britániko di Union Europeo.
May a enfatisá ku su intenshon ta a hasi loke ta mihó pa futuro di e nashon. Ta promé biaha ku e mandatario ta sugirí pa bandoná su mando komo un forma pa garantisá e votonan nesesario pa logra aprobashon di e akuerdo ku el a negoshá ku Union Europeo i kual a wòrdu rechasá dos biaha pa Parlamento britániko.
Kasi tres aña despues ku e británikonan a vota na fabor di separá di UE, e fecha i términonan di separashon no ta aseptabel. Bruselas a permití pa London posponé e fecha límite pa sali di e bloke kual lo mester a sosodé riba 29 di mart, agregando ku si Parlamento britániko respaldá e akuerdo si separashon, e salida por sosodé riba 22 di mei. E gobièrnu di May tin te ku 12 di aprel pa disidí kiko ta bai sosodé. Sea mester sali sin akuerdo, kanselá Brexit òf proponé algu kompletamente nobo.