KRALENDIJK.- E medidanan di Corona ta bira mas severo entrante awe 5 di mart 2021 18:00 or te ku djabièrnè 19 di mart 2021 23:59 or. Motibu di esaki ta e oumento rápido di e e kantidat di hende ku a pega ku COVID-19 den un periodo kòrtiku. Salubridat Públiko a registrá djaweps 4 di mart 2021 un kantidat di 55 hende ku a pega ku e vírùs. E kasonan akí ta buta un preshon mas grandi ainda riba salubridat públiko.
Pa kontrolá plamamentu di e vírùs, a disidí di pasa di nivel 3 pa nivel 5 di e plan di nivel di riesgo. Esaki ta kuadra ku un deklarashon di gezaghèber Edison Rijna anteriormente, ku den kaso ku tin oumento grandi di e kantidat di kontagio, ta nesesario pa tuma medidanan mas severo. E vakunashon kontra e vírùs di Corona ta sigui normal.
Esaki ta e medidanan ku ta drenta na vigor:
Enkuentro privá – Maks: 1 persona di pafó di kas. Konseho: gruponan vulnerabel, keda kas.
Restorant i bar (inkluso transporte rekreativo riba laman) – Konsumo solamente pa bai kuné te 22:00. Hotel (nobo) – Horeca pa wéspetnan di hotèl: habrí normalmente. No-wéspet: solamente ‘pa bai kuné’.
Evento – Prohibishon di aglomerashon; entiero i kasamentu – Maks. 30 pers. Na un distansia di 1,5 meter. Esaki ta solamente pa seremonia ofisial.
Tienda vital – Maksimalmente: 1 pers. pa kas di famia (ekskl. Mucha <13 aña). Garoshi/makutu obligatorio.
Tienda no vital – Será.
Trabou – Traha na kas ta obligatorio kaminda ta posibel.
Profeshon di kontakto – Será, a ménos ku indikashon médiko.
Pasadia pa hende grandi – Solamente akohida di emergensia.
Misa – No tin misa/sirbishi.
Aklarashon deporte – Institushonnan será. Deporte limitá; Mira ‘splikashon deporte’ riba www.bonairecrisis.com/pap/medidanan/ pa informashon pa kada deporte.
Evento deportivo – No ta permití evento deportivo.
Diskoteka i kas di plaser – Será.
Sala pa wega di plaka, kasino i teater (sine) – será
Souna – Será
Skolnan ta keda habrí. Alumnonan di skolnan sekundario mester haña lès den klas mas chikitu. Pasadia pa grandinan no ta posibel.
