BRUSELAS, AP.- Un siman despues di e atake na Fransia riba Dia di Bastilla, Bèlgika ta konmemorando su propio feria nashonal bou di medidanan di seguridat intenso.
E dia a kuminsá ku un servisio religioso na katedral di Bruselas ku a konta ku asistensia di rei i reina, ademas di promé minister, Charles Michel i otro dignatarionan.
Un kontingente fuerte i polis tabata presente, entre otro frankotiradornan, rondó di e edifisio.
Lo tin un desfile militar den sentro di Bruselas mas lat, i un ekshibishon di vürwèrk anochi.
E gobièrnu belga a ordená medidanan nobo di seguridat despues di e atake na Nice, Fransia, kaminda e agresor a kore drenta un multitut ku un trùk meimei di festehamentu pa dia di Bastille. Esaki a kousa morto di 84 persona.
Den mart, Brusellas a sufri un atake suisidio ku a mata 32 persona den e aeropuerto i trein supterano den e pais.
