SIUDAT DI MÉXICO, AP.- E mehikanonan ta konsterna pa e oumento kontinuo den preis di awakati, un ingrediente típiko di gastronomia den e pais.
E oumento den demanda di Merka i un kaida leve den produkshon di awakati ta kousante di e preis haltu, segun informashon di gobièrnu.
E preis na Merka a yega 5 dòler pa kilo. Na final di yüni, tiendanan karu na México tabata bende esaki pa mas o ménos e mesun preis, ounke e promedio nashonal ta 4,40 dòler pa kilo.
