WILLEMSTAD.- Ku yu di Kòrsou ta kreativo a keda demostrá un biaha mas. E mente kreativo di dj Menasa un biaha mas ta krea algu na e momentu perfekto.
E siman aki EXTRA su ‘Kantika di Siman’ riba www.extra-v2.mystagingwebsite.com ta ‘Spùit Modèl’ di dj Menasa ft. Dongo i Chris Strick.
‘DEN E BEMBE’ a kombersá ku dj Menasa ayera nochi i el a indiká na nos ku e kantika ta un inspirashon ku a bini for di e programa ‘Kabe’i Boto’ di Dongo na Televishon Direct.
“ E parti ku tabata hopi prèt, kaminda Dongo a saka su lenga i splika e asuntu di spùit a inspirá mi pa traha un beat ku e splikashon aki, anto m’a yam’e ‘Spùit Modèl’. Meskos ku Gois tin su modèl, awó Dongo tambe”, asina Menasa a splika.
Bishitá e website di EXTRA, www.extra-v2.mystagingwebsite.com i klik riba e flyer di ‘Kantika di Siman’ pa bo skucha ‘Spuit Model ft. Dongo & Chris Strick’.
