TEHERAN, Iran (AFP).- E asesor militar di e lider supremo di Iran a atvertí ku su pais lo senk e barkunan norteamerikano den e kanal di Ormuz si Washington disidí na “vigilá” e via marítimo ku ta klave pa e merkado di petrolio mundial.
Washington a imponé un blokeo dje kanal despues ku Iran a sera e pasashi komo reakshon riba e atakenan di Merka i Israel dia 28 di febrüari. “Señor Trump ke konbertí su mes den polis dje kanal di Ormuz. Esei realmente ta su trabou? Esei ta e trabou di un ehérsito poderoso manera esun di Merka?”, segun pregunta di Mohsen Rezaei, eks-komandante e hefe di Guardia Revolushonario, nombrá luna pasá komo asesor di e ayatola Mojtaba Jamenei.
“E barkunan ei lo keda di senk pa nos misilnan. Nan a krea un peliger grandi pa ehérsito norteamerikano.”Sin duda nos mesterpor destruínan”, Rezaei a deklará.
Rezaei a bisa mas aleu ku lo ta “fantástiko” ku Merka ta lansa un invashon na tera na Iran, ya ku “lo nos tuma míles di rehen i, pa kada rehen, nos lo haña algun mion dollar”.
