WASHINGTON, AP.- Ménos di 60.000 visa ekspirá di siudadanonan di shete pais di mayoria musulman a wòrdu kanselá pa e dekreto di presidente Donald Trump ku a pone un prohibishon di esakinan na entrada den Merka. Asina departamento di Estado a informá djabièrnè.
E sifra ta diferente na esun deklará pa abogado di Departamento di Hustisia durante un oudiensia na Virginia tokante e medida. E abogado a bisa ku 100.000 visa a wòrdu revoká.
E Departamento di Estado a bisa ku e sifra mas haltu ta inkluí visanan diplomátiko i visanan ekspirá tambe.
E òrdu di Trump, publiká djabièrnè siman pasá, ta prohibí entrada di siudadanonan di Iran, Irak, Sudan, Siria, Somalia, Libia i Yemen. Esaki ta suspendé e programa di refugiadonan di Merka temporalmente.
E oudiensia a pone atenshon riba e intenshon di Virginia pa uni kontra di dekreto di Trump ku residentenan permanente e promové den korte.
Erez Reuveni, abogado di ofisina tokante Asuntunan di Inmigrashon di departamento di Hustisia, a pidi hues federal Leonie Brinkema pa mantené e demanda enfoká riba solamente residentenan ku pèrmit legal.