WASHINGTON, AP.- Outoridat federal di salú a aprobá e uso di remedi trahá ku mariwana pa promé biaha. Esaki ta un ‘hit’ ku por kousa mas investigashon riba e droga ku ainda ta ilegal segun lei federal, apesar di e legalisashon resien pa Cannabis rekreativo i pa uso médiko.
E agensia di Alimento i Medikamentu (FDA) a aprobá e remedi yama Epidiolex, pa trata atakenan di epilepsia no komun ku ta kuminsá desde hóben. Pero esaki no ta nesesariamente mariwana médiko.
E stropi ku smak di stròbèri ta un líkido purifiká di un sustansia di e planta di Cannabis, pero no ta e mesun sustansia ku ta alterá sanshonnan pa esnan ku huma mariwana.
E empresa médiko britániko GW Pharmaceuticals a aprobá e remedi pa mas di 500 pashènt adulto i muchanan ku atakenan epiléptiko i a superá e opstákulonan burokrátiko pa por eksperimentá ku Cannabis.
Outoridat di FDA a bisa ku e remedi, kombiná ku otro sustansianan, a redusí e atakenan di epilepsia.
FDA ya a aprobá vershonnan sintétiko di otro ingredientenan di cannabis pa uso medisinal, inkluyendo pa e pèrdida severo di peso ku pashèntnan ku HIV ta sufri.
Dòkternan ta bisa ku ta importante pa gobièrnu regulá e vershon.
