NEW YORK, USA (AFP).- E kompranan di ‘Black Friday’ ayera a marka un dia na Merka durante kua komersio ta duna deskuento grandi, den un ambiente ekonómiko mihó ku a spera pero tòg ketu bai ku algun duda.

Míles di hende a krusa e portanan di e tienda Macy’s di Manhattan ora ku el a habri 6’or di mainta, despues di un kuenta represivo simbóliko. “Makiahe,  flus… tin promoshonnan bunita”, segun Shira Clement, di 27 aña, kende a sali hasi kompra ku su amiga Dani Ditchek (26). “Ta mihó kumpra den un tienda en bes di via internèt. Nos ta pasa mas tempu huntu, ta un eksperensia riba  su mes”, el a opiná.

E keintura di kompras ku e dia aki di konsumo ta generá a bira algu tradishonal na Merka i ku awor pokopoko ta plama pa sobrá di mundu. Black Friday ta poderá di showcasenan, páginanan di wèb di komersio, miéntras ku pòstnan ta saturá di oferta. Huntu ku eseinan, e publisidat kada aña ta start mas trempan.

Despues dje Black Friday, dia di deskuentonan mas grandi, ta agregá e “Cyber Monday”, e djaluna, ku ta konsentrá riba produktonan elektróniko.

Segun Adobe Analytics, riba djabièrnè ta fakturá den kareda di 9.600 mion dollar i su djaluna 12.000 mion.

En total e “Cyberweek’, manera nan konosé e periodo entre e dianan liber di ‘Thanksgiving”, ku ta selebrá e djaweps, i e djaluna siguiente, lo move den kareda di 37.200 mion dollar via di internèt.

Segun e organisashon NRF (federashon nashonal di komersio minorista), mas di 182 mion hende lo hasi kompra durante e dianan aki. Ta trata di 16 mion persona mas ku aña pasá, i un rekòrt for di 2017, aña den kua nan a kuminsá kolektá e informashonnan aki.

LAGA UN KOMENTARIO

Please enter your comment!
Please enter your name here