HAVANA, CUBA, AFP.- Merka a saka kasi 30.000 visa pa kubanonan desde yanüari, bou di un lei nobo pa para migrashon ilegal, segun e embahador di Havana Benjamin Ziff.
Aña pasá, alrededor di 300.000 kubano a drenta Merka ilegalmente.
Den yanüari, e embahador merikano na Havana a resumí ku dunamentu di visa na kubanonan, kuater aña despues ku a sera esaki pa motibu di un serie di “atakenan soniko” kontra empleadonan diplomátiko.
Ziff no a bisa kuantu kubano a entregá nan petishon pa haña visa.
Pero el a bisa ku tur visa di turismo i negoshi ta wantá aktualmente.
“Tin ménos ku un tersera parti di e empleadonan ku tabatin sinku òf seis aña pasá. I e gobièrnu no ke duna nos kònselnan un kas i no ta permití importashon di materialnan pa drecha e embahada”. El a añadí ku si no tin sufisiente empleado, tur trabou ta wanta.
Ziff a bisa ku e kantidat di migrantenan no dokumentá ku ta drenta Florida for di Cuba a baha den e último sinku lunanan, di “alrededor di dies hende pa dia” pa “alrededor di dies hende pa siman”.
