WASHINGTON, AFP.- Merka ayera a outorisá e vakuna anticovid Pfizer BioNTech pa muchanan entre 5 i 11 aña, drentando asina un etapa nobo di e kampaña di inmunisashon ku ta konserní 28 mion persona.

E outorisashon duná di forma urgente pa Agènda Federal di Remedi FDA a bin despues di un revishon kuidadoso di e resultadonan di tèstnan klíniko realisá pa Pfizer den vários mil mucha.

“Komo mama i komo dòkter, mi sa ku mayornan, kuidadónan, maestronan i muchanan tabata sperando ansiosamente e outorisashon aki”, asina Janet Woodcock den e komishon interino di FDA a bisa den un komunikado.

“Vakuna muchanan chikí kontra COVID-19 ta un paso adishonal den regreso na normalidat”, asina el a añadí.

Un komishon di ekspertonan independiente a sostené e siman aki e inmunisashon di muchanan entre 5 pa 11 aña ku vakuna di Pfizer, ku den tèstnan klíniko a demostrá un efikasia di 90.7% den e prevenshon di forma sintomátiko di COVID-19.

 

LAGA UN KOMENTARIO

Please enter your comment!
Please enter your name here