WASHINGTON, MERKA, AFP.- E pandemia di Coronavirus a mata 749 persona na Merka den e último 24 oranan, segun e konteo di Universidat Johns Hopkins djasabra.
E mortonan a subi e kantidat total na 109.791 morto i mas di 1.9 mion infekshon, segun e konteo di e universidat. Mas o ménos 500.000 persona a rekuperá di e enfermedat. Merka su kantidat di morto no ta haltu kompará ku otro paisnan manera Fransia, Italia i Spaña kaminda e morto ta mas haltu.
Presidente Donald Trump a bisa djabièrnè ku e pais a superá e pandemia ampliamente i a renobá su petishon pa e gobernadornan relahá e medidanan di ‘lockdown’.
Merka a sufri di 3.000 morto diario dor di e Coronavirus den aprel, pero e kantidat a kai na 1.000 morto i 20.000 kaso nobo pa dia.
Sinembargo, profeshonalnan di salú ta teme ku e protestanan masivo kontra brutalidat di polis i rasismo ku a desaroyando den vários siudat merikano ta bolbe oumentá e kantidat di infekshon den e próksimo simannan.
