Merka a suspendé tráfiko aéreo pa i for di Venezuela

WASHINGTON.- Un nota di departamentu di transporte merikano, fecha awe 15 di mei 2019, ta indiká ku a emití un prohibishon pa tur buelo entre Merka i Venezuela. Departamentu di transporte ta husga ku den kaso ku ta eksistí e kondishon ku ta forma un menasa pa seguridat di pasaheronan, avion òf tripulashon pa i for di un aeropuerto ekstranhero ta motibu pa tuma akshon.

Na di dos lugá interesá general ta eksigí pa suspendé inmediatamente transporte entre Merka i e aeropuerto enkuestion. Esei ta enserá ku mesora a emití un prohibishon pa tur kompania di aviashon merikano i esnan di otro paisnan pa transportá pasahero i karga entre Venezuela i Merka i vise vèrsá.

E minister interino di Homeland Security a emití un karta splikando den detaye resultado di investigashon hasí rondó di e situashon di seguridat na Venezuela. A base di esaki e departamentu di Homeland Security  a yega na e konklushon ku e kondishonnan na Venezuela ta un menasa pa pasaheronan, avionnan i tripulashon ku ta biaha pa e pais ei. Mas detaye den edishon di EXTRA.

SHARE

LEAVE A REPLY