WASHINGTON, AP.- Vários aktivista a ninga e akusashonnan di invashon di propiedat privá i a sera nan mes den e embahada venezolano di Merka djamars, resaltando un disputa tokante ken ta e lider legítimo den e pais suramerikano.

E aktivistanan, kende ta konsiderá presidente Nicolás Maduro komo e lider legítimo di Venezuela, a protesta den e embahada na Washington durante mas di un luna, miéntras simpatisadónan di oposishon a para nan for di riba kaya.

E aktivistanan a indiká ku nan tin planiá di keda den e sede diplomátiko apesar di e atvertensianan pa bandoná e edifisio, desafiando e rekonosimentu di Juan Guaidó komo presidente legítimo di Venezuela di parti e gobièrnu merikano.

“Nos no ta bai obedesé e òrdu aki. E ta ilegal”, asina aktivista Kevin Zeese a bisa na reporteronan desde e bentana di e segundo piso di e edifisio djamars.

Zeese a bisa ku tin kuater persona i ku nan tin sufisiente awa i kuminsá pa kontinuá ku e protesta aki.

Outoridat a atvertí e okupantenan den e embahada despues ku e representante Carlos Veccio a pidi Merka pa yuda saka e okupantenan for di e edifisio. Juan Guaidó a nombra Vecchio komo embahador nobo na Washington.

LAGA UN KOMENTARIO

Please enter your comment!
Please enter your name here