TEHRAN, IRAN, AFP.- Merka i Israel ta ataká dos planta nuklear. Washington ta spera ku e lo kumpli ku su metanan di guera den e próksimo dianan.
Preis di petroli a subi debí na e konflikto den e Golfo i na Líbano, i no ta kla ki dia e guera lo kaba.
Tur esaki a sosodé apesar ku presidente merikano Donald Trump ta insistí ku e negosiashonnan indirekto ku Iran “ta bayendo bon”. Djabièrnè Merka a posponé su ultimatum di atakenan na sentralnan eléktriko na Iran te ku djaluna 6 di aprel, konforme “petishon di e gobièrnu iraní”.
Su sekretario di Estado, Marco Rubio a afirmá ku Iran no a reakshoná riba un plan pa pone fin na e guera. Pero e pais a manda vários “mensahe” ku ta mustra ku nan ta dispuesto pa tuma e ruta diplomátiko.
“Na momentu ku nos kaba na Iran, den e próksimo simannan nan lo ta mas debil ku den historia resien”, asina Rubio a deklará.
Ehérsito israelí a konfirmá ku a ataká ku reaktor nuklear di awa pisa na Arak, den sentro di Iran, un ratu despues ku medionan iraní a reportá bombardeonan na e sitio.
