MERKA, AFP.- Merka i Reino Uní a urgi China djabièrnè pa aklará e ‘preokupashonnan serio” riba outonomia di Hong Kong den un seshon di Nashon Uní, rechasá pa Beijing. China a atvertí kontra tur interferensia di seguridat den e eks kolonia britániko.
“Nos ta spera ku e gobièrnu chines ta reflekshoná riba e preokupashonnan serio i legítimo ku e proyekto di lei proponé na Hong Kong ta kousa”, segun indikashon di Jonathan Allen, e segundo representante di Reino Uní den Nashon Uní, refiriendo na e proyekto di lei di seguridat ku China a proponé na Hong Kong.
E embahador di Merka, Kelly Craft a pidi tur pais di Nashon Uní pa eksihí China pa honra tur kompromiso ku e pueblo di Hong Kong.
