NEW YORK, AP.- E kasonan di sarampi na Merka ta oumentando na su nivel máksimo den 25 aña, segun informashon di outoridat djaluna.
Te ainda a konfirmá 555 kaso di sarampi, kompará ku 465 siman pasá, segun indikashon di ekspertonan.
E kasonan a wòrdu reportá den 20 estado, pero New York a kombertí den e episentro. Kasi dos terser parti di e kasonan na nivel nashonal tabata den estado di New York, i 85% di e kasonan di siman pasá a wòrdu reportá for di New York. Mayoria di e personanan malu den estado di New York ta hudiunan òrtodòks ku ta ninga di wòrdu vakuná.
E saldo total pa 2019 ya ta mas haltu ku esun di 2014, kaminda a reportá 667 kaso. E máksimo promé ku esaki tabata 963 kaso na aña 1994.
Sentronan pa Kontròl i Prevenshon di Enfermedat ta rekomendá pa tur mucha haña dos dósis di e vakuna.
