PROVIDENCE, RHODE ISLAND, MERKA, AP.- Un konsehal di e kapital di Rhode Island a elogiá un akto resien di vandalismo kontra un estatua di Christopher Columbus.
E demókrata Katherine Kerwin a bisa den un entrevista ku radio WPRO ku mester retirá e estatua di e monumento i ku e desobedensia sivil sano ta bon pa e sosiedat i siudat di Providence.
Kerwin a bisa ku e no sa ken ta responsabel pa e vandalismo pero e ta “respaldá nan” pa “generá un diálogo realmente sano na Providence”.
E alkalde demókrata Jorge Elorza a bisa djamars ku lo konsiderá e posibilidat pa trasladá e monumento pa un otro bario.
Vários estatua di Columbus a wòrdu vandalisá alrededor di Merka riba 12 di òktober, e fecha dediká na dje. Defensornan di pueblo a preshoná pa estadonan kambia Dia di Columbus pa Dia di Pueblonan Indígena, komo ku e eksploradó a provoká vários siglo di genosidio.