WASHINGTON, MERKA, AFP.- Merka a anunsiá djaluna ku lo apliká sanshonnan kontra e ministerio di Defensa di Iran i e presidente venezolano Nicolás Maduro, “ku outoridat di Nashon Uní i a eksihí Europa pa hasi meskos.
E gobièrnu di Donald Trump a asigná 27 persona òf entidat mara na e sanshonnan di Nashon Uní. E organismo multilateral aki a bisa ku e desishon no ta den man di Washington.
“Merka a establesé e sanshonnan di Nashon Uní kontra Iran”, segun indikashon di Trump den un komunikado.
E gobièrnu a bisa ku ta aplikando un embargo di arma di Nashon Uní ku Iran a violá entre otro.
Merka a firma un akuerdo ku Iran i esaki a keda negoshá pa e eks presidente merikano Barack Obama na aña 2015. Trump a sali for di e akuerdo unilateralmente na aña 2018, pero ta argumentá ku ainda Merka ta un ‘partisipante’, manera esaki ta stipulá den e resolushon di 2015.
