Marty Makary durante di rueda di prensa
MERKA, AFP.- Gobièrnu di presidente Donald Trump a anunsiá su intenshon di prohibí tur kolo artifisial den kuminda na Merka, te na final di 2026, un medida sostené pa ekspertonan di salú.
Atministrashon di kuminda i remedi FDA merikano a bisa “ta prohibí defakto tur kolo den kuminda derivá di petroli na Merka” asina e hefe nobo Marty Makary a bisa den un rueda di prensa.
En total ta trata di 8 kolo sintétiko, tur derivá di petroli i ku ta sospechá ku nan tin efektonan malu pa salú. Lo prohibí nan progresivamente te yega final di 2026.
“Durante e último 50 aña, muchanan merikano a biba kada bes mas di un sòpi tóksiko di supstansianan kímiko artifisial”, asina el a deklará poko promé ora sita estudionan ku ta vinkulá otro produktonan ku hiperaktividat, diabétis i kanser.
