Imágen di satélite di e área industrial di La Guaira Venezuela despues di dos temblor
WASHINGTON, MERKA, AFP.- Merka a anunsiá ku nan a aprobá yudansa di 150 mion dòler pa Venezuela despues di dos temblor ku a kousa por lo ménos 188 morto, segun departamentu di estado a informá.
E pakete ta inkluí 50 mion dòler den konvenionan bilateral pa yuda e grupo ku ya ta traha na Venezuela, meskos ku un kontribushon di 100 mion dòler pa un fondo humanitario di ONU pa e pais.
E fondonan aki lo apoyá e trabou di organisashonnan manera World Vision, Samaritan’s Purse. Catholic Relief Services, International Medical Corps, e organisashon internashonal pa Migrashon i e programa mundial di alimento, asina departamentu di estado a informá.
E gobièrnu di Donald Trump tambe lo manda un ekipo pa atendé ku desaster natural i dos unidat di búskeda i reskate urbano.
“Nos ta konta ku un sosten di henter e gobièrnu. E lo ta amplio, rápido i efikas”, asina e sekretario di estado Marco Rubio a bisa durante di un bishita na Barein, i a señalá na prensa ku ehérsito merikano ta hasiendo un bon papel logístiko den Venezuela.
Komando Sur di Merka a indiká ku nan ta kolaborando den e operashon di yudansa i reskate i ku nan lo sòru pa transporte aéreo i otro rekursonan.
