BRUSELAS, AP.- Merka lo no redusí su presensia militar na Afganistan di forma unilateral. Kualkier desishon mester wòrdu koordiná ku e aliadonan merikano, segun e funshonario máksimo di Pentágono a bisa.

“Lo no tin un redukshon di trupanan unilateral”, asina e sekretario di defensa interino Pat Shanahan a bisa na reporteronan. E ministernan di defensa di NATO a papia tokante e futuro di e operashonnan di e aliansa na Afganistan i e mihó forma pa usa su presensia militar den e nashon pa asina respaldá e diálogo polítiko pa pone fin na e konflikto.

Frustrá ku e guera mas largu di Merka, presidente Donald Trump, a ekspresá su intenshon di retirá Merka, poniendo duda pa ku labornan pa forma trupanan lokal ku NATO mester hasi den e pais. Tin mas o ménos 14.000 sòldat merikano na Afganistan, mayoria bou di mando di e Aliansa, sobrá parti ta forma parti di operashonnan antiterorista i kombate.

Shanahan a bisa klaramente ku si bini un redukshon di e presensia militar merikano, Washington lo konsultá ku NATO promé.

Si trupanan merikano bandoná e mishon, aliadonan manera Alemania no por kumpli ku su labor debí ku e ta dependé di Washington su respaldo aéreo.

LAGA UN KOMENTARIO

Please enter your comment!
Please enter your name here