PARIS, FRANSIA, AFP.- Merka a akusá forsa aéreo ruso djamars di a “interseptá i dal” den un drone merikano, Reaper, riba Black Sea i provoká su kaida. Merka ta konsiderá esaki komo intimidashon i Moscow ta ninga di ta impliká.
“Nos drone MQ-9 tabata realisando operashonnan di rutina den espasio aéreo internashonal na momentu ku el a keda interseptá pa un avion ruso, kual a resultá den un aksidente i pèrdida total di MQ-9”, segun indikashon di un komunikado general James Hecker, komandante di Forsa Aéreo di Merka na Europa, konfirmando un informashon revelá anteriormente na AFP.
E dalmentu a sosodé den espasio aéreo dilanti di siudat ukraniano di Odesa, segun Instituto Naval di Merka.
E pais a bisa ku e akto aki tabata peligroso i no profeshonal di parti e rusonan.
