Residentenan afektá pa Orkan Melissa hañando yudansa humanitario di boluntarionan di Caritas
WASHINGTON, MERKA, AFP.- Merka a anunsiá djamars ku lo manda un buelo di yudansa humanitario pa Cuba. Esaki ta parti di un pakete di 100 mion dòler ku e sekretario di Estado, Marco Rubio a proponé den mei.
E buelo a Sali for di Miami, ku kolaborashon di e organisashon Catholic Relief Services, segun indikashon di e komunikado di Departamento di Estado.
E atministrashon di Donald Trump, ku tin un blokeo riba suministro di petroli pa e isla, i ku ya a reforsá sanshonnan kontra e gobièrnu, a anunsiá e yudansa den novèmber último. Merka a hasi e anunsio despues di orkan Melissa.
Rubio a anunsiá un oumento di asistensia den febrüari, ku tenshon haltu entre ámbos pais.
E hefe di diplomasia merikano a akusá e gobièrnu komunista di stroba distribushon di yudansa, kual Washington ke pa pasa via di Iglesia Katóliko. Asin’aki e yudansa lo yega direktamente den man di e kubanonan.
Pero La Habana ta akusá e blokeo di petroli di Merka komo un estorbo enorme pa parti yudansa.
“E buelo ta kontené paketenan di kuminda i higiena pa por lo ménos 700 famia kubano” asina e komunikado a enfatisá djamars.
