ALIX DIDIER FILS AIME; promé minister di Haiti.
PORT AU PRINCE, Haiti (AFP).- Merka a atvertí e konseho di transishon di Haiti kontra di kualke kambio polítiko, pa miedu di problemanan polítiko mas grandi den pleno ofensiva kontra di gengnan kriminal riba e isla. Den un yamada telefóniko ayera, e hefe di diplomasia norteamerikano, Marco Rubio, a sigurá e promé minister haitiano, Alix Didier Fils Aimé, su pleno apoyo, aksentuando “e importansia pa e keda den e funshon komo promé minister pa lucha kontra di gèngnan terorista i pa stabilisá e isla”.
E krísis polítiko dje pais a bira mas serio ku aprobashon di un resolushon di parti di sinku dje shete miembronan di Konseho Presidensial di Transishon (CPT), ku ta terminá su mandato dia 7 di febrüari, pa destituí e promé minister i nombra un otro di forma interino. E resolushon no tin balor hurídiko sino te ora ku e keda publiká den un boletin ofisial.
E presidente di CPT, Laurent Saint Cyt, a vota kontra dje resolushon, na un momento ku e forsanan di seguridat di Haiti ta realisando un ofensiva kontra dje gèngnan kriminal.
