WASHINGTON, USA (AFP).- Merka ayera a aprobá benta di 5.580 mion dollar na avionnan di kombate F-16 ku Filipina, di kua e tenshonnan ku China a oumentá pa e kontròl di e laman di China Meridional.
Filipina i otro paisnan di region zùitost asiátiko frekuentemente ta denunsiá ku China ta hasi maniobranan ku e meta pa tuma kontròl dje laman. E maniobranan kada bes ta mas stratégiko pa e kantidat di komèrsio di barku ku ta pasa den e laman.
Departamento di Estado a bisa den un komunikado ku a aprobá e benta ku ta inkluí 20 avion F-16 “pa mehorá seguridat di un sosio stratégiko ku ta sigui ta un forsa importante pa stabilidat polítiko, pa pas i e progreso ekonómiko den área zùitost asiátiko”.
