Un brùg ku ta konektá Roudan i bandar Abbas destruí pa atakenan di Merka. Iran ta akusá Merka di ataká sitionan sivil
TEHRAN, IRAN, AFP.- Merka a lansa un andanada di atake kontra Iran djadumingu. Esaki a pasa despues ku a bira konosí ku militarnan merikano a muri desde ku e atakenan entre ámbos pais a kuminsá bèk.
Riba e di ocho anochi konsekutivo di bombardeo, Merka a ataká puestonan militar iraní. Tambe nan a ataká “forsanan di e revolushon Islámiko ku a lansa atakenan kontra miembronan di forsanan merikano na Hordania riba 17 di yüli”, asina e Mando Sentral di Merka pa Medio Oriente (Centcom) a bisa den un komunikado.
Ehérsito merikano a anunsiá djasabra ku e morto di dos militar i desaparishon di un terser sòldat den “atakenan ku misil i ‘drone’” a keda atribuí pa Iran djabièrnè na Hordania. Esaki ta e promé víktimanan mortal desde ku e atakenan a kontinuá riba 7 di yüli.
Iran tambe a anunsiá di atakenan merikano na Sirik, un haf ku ta keda dilant’i estrecho di Hormuz, na sùit di e pais.
E guera ku a kuminsá riba 28 di febrüari pa un atake di Israel i Merka kontra Iran. Esaki a kousa suspenso despues di un tregua de aprel. Pero desde reanudashon di e atakenan di 7 di yüli, e paisnan ta sigui ataká i menasá otro.
