Merka ta bolbe lansa atake den kanal di Ormuz

TEHERAN, Iran (AFP).- Televishon estatal iraní a informá ayera di a skucha vários eksploshon den parti zùit dje pais, den área di e kanal di Ormuz. “A skucha hopi eksploshon parti ost di Badar Abas i alrededor dje isla di Qeshm”, segun televishon estatal, pa despues agregá: te na e momentu akí no a reportá insidentenan ni daño”.
Komando Sentral di Merka a anunsiá ayera di a lansa atakenan kontra di Guardiannan di Revolushon di Iran komo reakshon riba intento di atake kontra di barkunan den e kanal di Ormuz. Media iraní a informá ku kuater proyektil a impaktá den zonanan di e provinsia di Sistan i Baluchistan, den zùit dje pais.
Despues di kasi un luna di kalma, djadumingu Merka a lansa bombardeonan kontra di ophetivonan iraní riba e isla di Larak. E hostilidatnan a eskalá i Teheran a bisa di a respondé ku atakenan riba basenan na Jordania i Emiratonan Arabe Uní ku ta keda usá pa ehérsito merikano.
For di inisio dje guera den Medio Oriente, Teheran a blòkia e kanal di Ormuz, ku na fin di febrüari a keda ataká pa Israel i Merka.