WASHINGTON, MERKA, AFP.- Djabièrnè forsanan merikano a bombardiá depósitonan di misil i drone iraní, i tambe radar. Esaki ta e reakshon di Merka kontra e atake di Iran riba un barku di karga den estrecho di Hormuz.
Presidente merikano Donald Trump a bisa ku e atake di Iran ku drone den estrecho di Hormuz ta “un violashon estúpido” di e tregua vigente.
“Un drone a kai riba un barku di karga, i a basha tres drone mas abou”, asina Trump a skibi riba su ret sosial Truth Social, refiriendo na e atake di djaweps.
Trump a evitá di bisa kon e lo reakshoná riba e atake di Iran den un konferensia di prensa na Kas Blanku. E atake a pasa 14 kilometer na sùitost di Oman.
E insidente a kibra mas di un siman di trankilidat den estrecho di Hormuz.
