Sikólogonan papiando ku un pashènt ku a rekuperá di e vírùs
WASHINGTON, MERKA, AFP.- Merka a pone mas di 242 mion dòler adishonal pa e lucha kontra e epidemia di Ébola. Esaki ta sigui bira mas pió den e Repúblika Demokrátiko di Congo, segun indikashon di Departamento di Estado djárason.
Ku e yudansa finansiero akí, e gobièrnu di Donald Trump ta kontribuyendo ku mas di 500 mion dòler pa kombatí e epidemia. Esaki ta nifiká ku Merka ta e kontribuyente finansiero prinsipal den e lucha kontra Ébola.
Washington a pidi otro paisnan pa subi nan kontribushonnan pa kombatí e epidemia. Vários ta esnan ku a kritiká e medidanan di Merka su restrikshon di biahe i pa habri un sentro di karentena na Kenia pa su siudadanonan.
Merka a imponé vários restrikshon riba tur esnan ku biaha for di RDC, Uganda i Sur Sudan. Tambe ta prohibí tur merikano di regresá e pais direktamente for di RDC.
Repúblika Demokrátiko di Congo a deklará ku ta trata di un epidemia ku ta afektando e pais afrikano enorme akí ku mas di 100 mion habitante.
Outoridatnan di RDC a reportá ku tin 3.874 kaso konfirmá, inkluyendo 1.751 morto, desde komienso di e epidemia.
