SANTO DOMINGO. – Prokuraduria General di e Repúblika ayera a risibí e dominikanonan ekstraditá Eddy Bismarck Núñez Garrido i Fernando Antonio Burgos Rojas, prosedente di Merka.
Kontra Núñez Garrido, kende a wòrdu solisitá den ekstradishon na òktober di 2010, tabata eksistí un órden di wes di Ehekushon di Kastigu di Distrito nashonal ku e meta pa e kumpli un sentensia di 20 aña ku el a haña pa e asesinato di Francisco Alberto Andújar Tejada, durante un hecho ku a tuma lugá na ougùstùs di 1996.
Miéntras ku Fiskalia di Santiago ta rekerí Burgos Rojas pa proses’é penalmente pa e asesinato di kende na bida tabata su muhé, señora Chaury Noelia Veras Gutiérrez, kende el a mata na desèmber di 2008 den e komunidat Licey al Medio na Santiago. Su detenshon a tuma lugá na luna di febrüari di 2012.
E proseso di ekstradishon a konta ku e kolaborashon di e agentenan di Inmigrashon i Duana di Merka, dirigí pa Donald Bruckshen.
Wes Gisela Cueto a bisa ku ‘esaki ta un señal kla di ku pa Hustisia dominikano no ta eksistí fronteranan ku ta evitá ku un persona ku kometé aktonan kriminal ta bai burla di e sistema; esaki ta e ehèmpel bon kla. Nos ta trahando pa Hustisia yega te kaminda e mester yega’.
