WASHINGTON, MERKA, AFP.- E gobièrnu merikano a anunsiá djárason ku lo invertí 1 miar dòler den un vakuna di Johnson & Johnson. Esaki lo garantisá 100 mion dosis.
J&J ya a haña 456 mion den mart. Pero e suma nobo ta permití e kompania pa subi produkshon pa e dosisnan ta kla manera ku esaki haña aprobashon di lei.
E atministrashon di Presidente Donald Trump a gasta 9.4 miar riba akuerdonan di vakuna, ku sinku kompania garantisando por lo ménos 700 dosis.
E eksperto Anthony Fauci a bisa djárason ku e ta opsimista ku pa fin di aña òf na komienso di 2021 “nos lo determiná si e vakunanan ta safe i efektivo”.
Canada tambe a firma un akuerdo ku Pfizer Canada i BioNTech SE pa haña 100 dosis di e vakuna eksperimental pa e aña aki.
