CHICAGO, AP.- Outoridat di inmigrashon di Merka kier inisiá un operashon nashonal pa buska personanan ku ta biba den e pais sin outorisashon despues ku presidente Donald Trump a kanselá esaki luna pasa, segun revelashon di dos funshonario di gobièrnu i defensor di derechi di e migrante.

E operashon lo enfoká riba esnan ku un òrdu final di deportashon, inkluyendo famianan kende nan kaso a wòrdu aselerá pa huesnan den dies siudat grandi di Merka, ku Chicago, Los Angeles, New York i Miami.

“Nos komunidatnan ta bou di miedu konstante”.

Funshonarionan di gobièrnu ta bisa ku e operashon lo kontinuá i ku ta posibel ku esaki ta kuminsá pronto. E funshonarionan a papia ku kondishon pa keda anónimo komo ku nan no ta outorisá pa papia riba e tema. Aktivistanan ku ta defendé derechi di e migrantenan a publiká numbernan di emergensia pa esnan afektá yama i haña informashon tokante nan derechi.

Trump a anunsiá luna pasa riba Twitter ku e redada ta marka inisio di un esfuerso pa deportá miónes di persona ku ta kedando den Merka sin outorisashon, algu kasi imposibel dor di e rekursonan skars di ICE, enkargá ku e arestonan i emishon di e òrdunan di deportashon.

E presidente a kanselá e redada abruptamente despues di un kombersashon na telefòn ku presidente di Kámara di Representante, Nancy Pelosi, miéntras legisladornan ta traha pa aprobá un akuerdo di 4.600 mion dòler pa aprobá un akuerdo dis sosten finansiero a frontera.

LAGA UN KOMENTARIO

Please enter your comment!
Please enter your name here