MERKA, AP.- E gobièrnu di presidente Donald Trump a dekretá ku tiendanan di arma di kandela ta negoshinan “esensial” ku mester keda habri miéntras empresanan di otro tipo ta sera nan porta pa purba para propagashon di coronavírus. Gruponan ku ta boga pa kontrol di arma ta kontra di e medida, konsiderando ku e ta afektá e interesnan ekonómiko di salubridat públiko.
Den e último simannan, vários estado i munisipio a duna vários interpretashon tokante si tiendanan di arma mester buska pèrmit pa keda habri miéntras e merikanonan ta den nan kas pa evitá ku e vírus ta propagá. Por ehèmpel na Los Angeles, e hefe polisial di kondado, Alex Villanueva, a duna òrdu pa sera e tipo di negoshinan aki riba su teritorio, kual a kousa un serie di disputa legal di parti defensornan di derechi pa karga i posee arma di kandela.
