WASHINGTON, MERKA, AFP.- Merka a anunsiá djamars ku lo eliminá Forsa Arma Revolushonario di Colombia for di su lista di organisashonnan terorista, ku e intenshon di “sostené” implementashon di e pakto di pas firmá sinku aña pasá.

“Departamento di Estado lo revoká kategorisashon di FARC komo organisashon terorista estranhero”, segun indikashon di e hefe di diplomasia merikano, Antony Blinken, den un komunikado.

E grupo a wòrdu disolvé i desarmá ofisialmente despues di un akuerdo di pas ku e gobièrnu di Colombia na aña 2016. “E organisashon no ta eksistí komo organisashon dediká na terorismo i aktividatnan terorista. Nan no tin e kapasidat ni intenshon di hasi esaki”, asina Blinken a agregá.

Merka a kategorisá FARC komo organisashon terorista estranhero na 1997, durante un konfrontashon di seis dékada ku e Estado kolombiano.

E grupo gueriero a entrega tur arma i firma un akuerdo di pasa despues di negosiashonnan na Cuba riba 24 di novèmber 2016. E grupo a transformá den un partido polítiko, sinembargo, e grupo su pasado ta sigui afektá e eks grupo rebelde marksista.

LAGA UN KOMENTARIO

Please enter your comment!
Please enter your name here