WASHINGTON, AFP.- E hefe di diplomasia merikano Mike Pompeo a bisa ayera ku Washington ta kondena severamente e aresto di e opositor ruso Alexei Navalny ku a keda detené na momentu di su regreso pa Rusia for di Alemania despues di a rekuperá di un venenamentu na su pais.
“Merka ta kondená severamente e desishon di Rusia di arestá Alexei Navalny” asina Pompeo a bisa den un komunikado.
“Nos a konstatá ku gran preokupashon ku e detenshon ta e último di un seri di intentonan pa silensiá Navalny i otro figuranan di oposishon i bosnan independiente ku ta krítika e outoridatnan ruso”, asina el a añadí.
