Presidente interino Delcy Rodriguez kende tin ku balia segun Trump ta toka.
WASHINGTON (AFP).- Merka ayera a anunsiá dos lisensia general ku ta permití operashon di sinku multinationals petrolero na Venezuela. Esnan benefisiá ta e kompania merikano Chevron, e italiano Eni, e spañó Repsol i e británikonan BP i Shell. Tur e transakshonnan di e kompanianan aki tin relashon ku e sektor petrolero venezolano ta keda outorisá, meskos tambe e kontraktnan pa invershonnan nobo den e sektor di petrolio i gas pa tur kompania interesá pa start ku negoshi den e pais suramerikano.
E dos lisensianan nobo ta un paso importante padilanti den e apertura total dje sektor petrolero venezolano, someté na sanshonnan di Merka for di 2019.
Ku e derokamentu di Nicolas Maduro dia 3 di yanüari, Washington dirèkt a anunsiá ku lo e permití eksportashon di krudo venezolano solamente bou di su kontrol dirèkt. For di desèmber Merka tin un blokeo pa eksportashonnan ku Venezuela ta realisá mediante “barkunan fantasma”, someté na sanshonnan.
E gobièrnu venezolano nobo, bou presidensia di Delcy Rodriguez, hopi lihé a skohe pa negoshá ku presidente merikano Donald Trump, i spesialmente ku e sekretario di estado Marco Rubio, kende ta esun ku di forma direkto ta supervisá e situashon.
