EL CAIRO, AP. – E sekretario di estado nort amerikano Hillary Rodham Clinton, djadumingu a pidi Egipto pa komprometé ku “un demokrasia fuerte i duradero” ku ta protehá e derechonan di tur siudadano. Esaki a keda hasi na simpatisadónan di e presidente islamita resien elihí i tambe na esnan ku tin miedu di wòrdu reprimí pa e gobièrnu nobo.
Merka lo ta “ atento pa kualkier gobièrnu elihí apoyá e inklushon, sòru pa sirbi e talento di
kada egipsio pa konstruí un futuro nobo pa e antiguo i inkreiblemente importante pais”, asina Clinton a bisa dilanti un grupo prominente di hende muhé.
Di bi shi ta den un Egipto ku a pasa dor di stankamentunan polítiko durante e époka nobo sin Hosni Mubarak, Clinton a bai diferente reunion ku e presidente nobo, e islamita Mohamed Morsi, i e generalnan ku a tuma poder despues di e renunsia di Hosni Mubarak.
Cl inton a purba di ehersé e influensha ku ainda Washington tin ku e hefe di ehérsito ku ta generá opinionnan hañá den e pais entre esnan ku ta mira forsa arma komo un menasa pa demokrasia i esnan ku ta apoyá esaki.
Clinton ta deseá pa militarnan kolaborá ku e outoridatnan islamita nobo den un transishon pleno pa un gobièrnu sivil. Pero awor ku Merka a aprobá otro entrega konsiderabel di asistensha militar e inkfluensia di Washington no ta presis ku por bisa kon e por stabilisá Egipto i konst ruí un relashon nobo ku e aliado árabe di Merka.
