Sòldánan for di diferente pais ta tuma parti na un ehersisio multinashonal na e entrada Pasífiko di Kanal di Panamá.
CIUDAD DE PANAMA (AFP).- Merka ta plania atake “na tera” riba narkotrafikantenan den Amérika Latina, manera ya e pais a hasi den laman internashonal kontra di aparente barkunan di kontrabanda di droga, segun e hefe di Pentágono di Panamá, Pete Hegseth.
E gobièrnu di presidente Donald Trump den sèptèmber último a lansa un kampaña di bombardeo aéreo kontra di aparente lanchanan di narkotráfiko den Karibe i Oséano Pasífiko, ku te fecha di awe a laga 215 morto.
E plannan di operashon antidroga na tera ta den kuadro di esfuersonan di un aliansa di 19 pais liderá pa Trump, pero por bira mas grandi kaminda tin mas sitio di gruponan di narkotráfiko, segun e sekretario di defensa di Merka a bisa na periodistanan.
El a trese dilanti ku denter di poko, Merka huntu ku su aliadonan lo desplegá un kapasidat operashonal igual na loke a hasi den e atakenan riba lanchanan di droga den Karibe.
E Koalishon Antikartelnan di Amérika ta reuní paisnan manera Argentina, Bolivia, Chile, Colombia, Ecuador, Honduras i Perú, ku gobièrnunan di derecha. Hegseth a asentuá ku su atvertensia na kartelnan ta “algu serio”.
Hegseth a defendé e legalidat di e atakenan kontra di supuesto lanchanan di droga, ku segun huristanan i organisashonnan di derechinan rumano por keda interpretá´komo ehekushonnan èkstra hudisial.
